Айсулуу Тыныбекова АКШда балбан кыздарга мастер-класс өткөрдү. Видео

Дүйнөнүн эки жолку чемпиону, Токио олимпиадасынын байге ээси Айсулуу Тыныбекова АКШда кыздарга мастер-класс өткөрдү. Бул тууралуу ал Facebook баракчасына жазды.

Анын айтымында, аялдар күрөшүн өнүктүрүү аркылуу кыз-келиндер мүмкүнчүлүктөрүн кеңейтүүгө багытталган Wrestle like a girl (Кыздай күрөш) уюмунун кыздарына мастер-класс өткөрүлдү.

"Чынын айтсам, абдан толкундандым. Бирок бул сүйкүмдүү кыздар мени жылуу кабыл алып, колдоо көрсөтүштү. Алардын ийгиликтерге жетишип, дараметин ачууну чын дилимден каалайм", - деп жазган Тыныбекова.

Белгилей кетсек, учурда Тыныбекова АКШда машыгып, ошол эле убакта мекендештер менен жолугушууларды өткөрүүдө.