Кыргызстанда ар бир бешинчи наристе расмий никесиз төрөлөт
RU

Кыргызстанда ар бир бешинчи наристе расмий никесиз төрөлөт

Все самое интересное в Telegram

Кыргызстанда ар бир бешинчи наристе расмий никесиз төрөлөт. Бул тууралуу расмий маалыматты Улуттук статистика комитети билдирет.

Мекеме берген маалыматка ылайык, 2020-жылы COVID-19 пандемиясы учурундагы чектөөлөрдөн улам, никелердин саны 2019-жылга салыштырмалуу 20%га кыскарган.

Кыргызстанда аялдар да эркектер да көбүнчө 20 жаштан 29 жашка чейнки аралыкта баш кошушат. Тагыраак айтканда никеге тургандардын 70%ы.

Бардык эле никелер бекем сакталбайт. Алардын дээрлик ар бир тѳртүнчүсү ажырашат: айыл жеринде 1 миң никеге 162 ажырашуу туура келсе, ал эми шаардагы калктуу конуштарда алар 2,2 эсеге кѳп.

2020-жылы ар бир бешинчи жаңы төрөлгөн ымыркай никеси жок энелерден төрөлгөн, ал эми 2016-жылы ар бир төртүнчүсү. 2020-жылы юридикалык эмес никеде төрөлгөн балдардын санынын ичинен 15 миң бала ата-энелердин биргелешкен арызы боюнча катталышкан жана 15 миңге жакын бала энесинин гана арызы боюнча катталган, бул балдар атасыз үй-бүлөдө тарбияланышы ыктымал. Никесиз төрөлгөн балдар негизинен 20–35 жаш курактагы энелерден төрөлүп жатат.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/4684