23-февраль. Жогорку Кеңештин 16 депутаты гана аскердик кызмат өтөгөн (фото)
23-февралда Кыргызстанда Ата Мекенди коргоочулар күнү белгиленет.
Майрам алдында Kaktus.media сайты Жогорку Кеңештин 7-чакырылышынын депутаттарынын өмүр таржымалын иликтеп чыгып, алардын 16сы гана аскерде кызмат өтөгөнүн же окуу жайдын аскердик факультетинде билим алганын аныктады.
ОшМУну бүтүргөн Айбек Алтынбеков 2000-жылы окуу жайдын аскердик кафедрасында кызмат өтөп, кенже лейтенант наамы менен аяктаган.
Руслан Жакышев 1993-1994-жылдары Кой-Таштагы No73809 аскер бөлүгүндө кызмат өтөгөн.
Аманкан Кенжебаев 1987-1990-жылдары СССРдин Аскер-деңиз флотунда кызмат өтөгөн, башкы сержант-майор наамына ээ.
Адахан Мадумаров 1983-1985-жылдары Советтик армиянын катарында Германияда кызмат өтөгөн.
Исхак Масалиев ар кайсы жылдары ички иштер жана бажы органдарында кызмат өтөгөн.
Марат Мураталиев 1985-1987-жылдары Советтик армиянын катарында кызмат өтөгөн.
Сүйүн Өмүрзаков 1986-1988-жылдары Польшада советтик армиянын катарында кызмат өтөгөн.
Айбек Осмонов Кыргыз Республикасынын Куралдуу күчтөрүнүн катарына 2003-жылы чакырылган.
Равшан Сабиров 1988-1990-жылдары Тула шаарында советтик армиянын катарында кызмат өтөгөн.
Таалайбек Сарыбашов 1989-1991-жылдары Германияда советтик армиянын катарында кызмат өтөгөн.
Алтынбек Сулайманов 1990-1992-жылдары Североморск шаарында советтик армиянын катарында кызмат өтөгөн.
Кундузбек Сулайманов да 1985-1987-жылдары Советтик армиянын катарында кызмат өтөгөн.
Акбөкөн Таштанбеков 1981-1983-жылдары Советтик Армиянын катарында кызмат өтөп, Ооганстандагы согушка катышкан.
1986-1988-жылдары Жеңишбек Токторбаев Германияда советтик армиянын катарында кызмат өтөгөн.
Азизбек Турсунбаев 1984-1986-жылдары Советтик армиянын катарында кызмат өтөгөн.
Алишер Эрбаев 1997-жылы Кургактагы аскерлердин абадан коргонуу аскер академиясын артыкчылык диплому менен аяктаган.
Сүрөттөр түшкөн сайын материал жаңыртылып турат.
