Муртазалиев: Мага карата кара пиар болду
No29 Бишкек Свердлов шайлоо округу боюнча алдын ала жеңүүчү Абдурахманхаджи Муртазалиев өзүнүн округдагы лидерлиги жана ага карата айыптоолор боюнча Kaktus.media сайтына комментарий берди.
Буга чейин, мындай билдирүүнү 423 добуш менен Муртазалиевге утулуп калган талапкер Шайлообек Атазов билдирген.
Муртазалиевдин айтымында, адегенде ага каршы кара пиар жасалып, аброюна шек келтирүүгө аракет кылышкан.
"Бул мага эле эмес, менин үй-бүлөмө да, атүгүл улутума да тийди. Бизди мыйзам бузуулар боюнча айыптап, Борбордук шайлоо комиссиясына чакырып, сот процессинде убакытты текке кетирүүгө аракет кылышты. Ал эми интернетте чыныгы тирешүү башталды", - деди Муртазалиев.
Көптөгөн талапкерлер мени атаандаш катары сезишти.
Муртазалиев ага карата атаандаштары тарабынан мыйзам бузуулар катталганы менен, анын штабы эч кимдин үстүнөн арыз жазбай турууну чечкенин баса белгиледи.
"Биз алардын деңгээлине түшүп калбашыбыз керек. Бирок, алар сотко беришсе, мен өзүмдүн ишимди коргойм", - деди Муртазалиев.
