Тилек Токтогазиев уюлдук телефондорду Кыргызстанда чогултууну сунуштады

Мурдагы айыл чарба министри Тилек Токтогазиев уюлдук телефондорду Кыргызстанда чогултууну сунуштады. Бул тууралуу ал Facebook баракчасына жазды.

"ЦУМдун жер астындагы жана башка соода борборлорун оңдоо кызматынын экосистемасынын негизинде азыр Кыргызстанда уюлдук телефондорду чогултууну өнөр жай агымына коюуга болот", - деди ал.

"Россияга киргизилген санкцияларга ылайык, дүйнөлүк технологиялык бренддер телефондорду түз сата албайт. Бирок биз анын ордун толтура алабыз. Мындан тышкары, Москвадагы биздин диаспора Бишкектен "жогорку квалификациялуу" адистерди чакырып, ушул сыяктуу оңдоо кызматтарын ачууну ойлонушу керек. Анткени санкциялар мындай кызматтарды талап кылат", - деп жазган Токтогазиев.