Акылбек Жапаров... Атамбаевдин атасынын үйүндө кимдер конок болгон? (видео)

Алмазбек Атамбаевдин жакындары экс-президенттин атасынын үйүн берүүгө ниети жок. Бул тууралуу Kaktus.media сайтына Атамбаевдин тууганы Нурбек Шаршенов (Эмил деген ысым менен белгилүү) билдирди.

Ал Атамбаевдин атасынын үйүнө белгилүү саясатчылар келип, аларга мал союшканын айтып берди.

"Алмазбек Шаршенович, анын балдары ушул үйдө төрөлгөн. Чоң атам, агамды ушул жерден чыгардык. Жаман-жакшылыктын баары ушул жерде болду. Кой жеп, канча арак ичишти. Ошол эле Акылбек Жапаров да көп келген", - деди Шаршенов.

Эске салсак, буга чейин адвокат Замир Жоошев Алмазбек Атамбаевдин атасынын үйүн конфискациялоону көздөп жатышканын билдирген.