Азамат! Кыргызстандык, көзү азиз спортчу Абдувалиев дүйнө чемпионy болду (видео)
Кыргызстандык азиз спортчу Жалалдин Абдувалиев триатлон боюнча дүйнө чемпионатында алтын медаль тагынды. Бул тууралуу спортчу өзүнүн баракчасына жарыялады.
18-21-август күндөрү Словакиянын Шаморин шаарында өткөн турнирде Абдувалиев коштоп жүргөн адамы Мырзабек Орумбаев менен бирге жеңишке жетти. Ал 2 км сууда сүзүү, 80 км велосипедде жана 18 км чуркоо боюнча мелдешке катышкан.
Кыргызстандык спортчу аны 5 саат 29 мүнөт 38 секундда басып өткөн. Сүзүү - 55 мүнөт 26 секунд, велосипед - 2 саат 35 мүнөт 37 секунд, чуркоо - 1 саат 46 мүнөт 11 секунд.
PTVI категориясында Абдувалиев 1-орунду ээлеп, алтын медаль тагынды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/8077
