Эмне үчүн Матраимов атындагы фонд муфтияттын жаңы имаратын курууда. Муфтияттын жообу
Райымбек Матраимов Кыргызстан муфтиятынын жаңы имаратынын курулушуна капсула салууга катышты. Маалым болгондой, курулушка Матраимовдун "Исмаил-Ата" атындагы фонду тартылган. Учурда муфтият ижарага алынган имаратта жайгашкан.
Бул маалыматты Кыргызстан мусулмандарынын дин башкармалыгынын басма сөз кызматы Kaktus.media сайтына тастыктады.
"Биз ар кайсы фонддорго, ишкерлерге кайрылып, кайрымдуулук негизде имаратты курууга жардам берүүнү суранганбыз. Матраимов атындагы фонд жооп берди", - деп түшүндүрүштү алар.
Эске салсак, Кыргызстан мусулмандарынын дин башкармалыгынын жаңы имараты Бишкектин Жибек Жолу проспектисинде жайгашкан мечиттин жанындагы жер тилкеге курулат. Курулуш иштери ушул жылдын аягына чейин бүтөрү күтүлүүдө. Бул имаратта муфтияттан тышкары Аалымдар кеңешинин иш бөлмөлөрү, жыйындар залдары, окуу залдары жана китепканалар да болот.
