Баасы 4 миллион сомду чапчыган контрабандалык жүк алынды

Казакстандан Кыргызстандын аймагына баасы 4 000 000 сомдон ашык дары-дармектерди аткезчилик жол менен алып өтүү аракетине бөгөт коюлду. УКМКнын маалымат кызматынан кабарлашкандай, жүктөр Чоң-Капка өткөрмө постунда аныкталды.

Маалым болгондой, 14-ноябрда Чоң-Капка көзөмөл-өткөрүү пунктунда А.Б.А. аттуу кыргыз жаранынын башкаруусундагы Mercedes-Benz жүк ташуучу унаа кармалган. Айдоочу көрсөткөн документтерде жүктөр үй буюмдары катары белгиленген. Бирок унааны дыкат текшерүүдө тиешелүү уруксат кагаздары жана коштоочу документтери жок болгон, болжол менен баасы 4 000 000 сомдон ашык дары-дармектер жана башка товарлар табылган.

Азыркы учурда бул факты боюнча салык төлөөдөн качуу түрүндөгү зыяндын өлчөмүн аныктоого багытталган сотко чейинки өндүрүш иштери жүрүп жатат.