Эң бийик балаты Ошто орнотулду. Аймактардагы жаңы жылдык балатылар
Саналуу күндөрдөн кийин жаңы жылды тособуз. Майрамга карата аймактарда балатылар орнотулуп, оту жандырыла баштады.
Алсак 17-декабрда борборубуз Бишкекте жаңы жылдык балатынын оту салтанаттуу жанды. Балатынын бийиктиги 25 метр, ага 7 миң оюнчук илинген. Өлкөнүн башкы балатысындагы 7 миң оюнчук Кыргызстандын 7 миллион калкынын символу болуп саналат.
17-декабрда Нарын шаарынын Турдакун Усубалиев атындагы борбордук аянтына коюлган балаты жандырылды. Балатынын бийиктиги 12 метр.
19-декабрда Жалал-Абад шаарында жаңы жылдык балаты жанды. Шаардын "Эркиндик" аянтына орнотулган балатынын бийиктиги 27 метрди түзөт.
20-декабрда Ош шаарынын борбордук аянтында жаңы жылдык балаты жанды. Балатынын бийиктиги 29 метр.
Талас шаарындагы башкы балаты 15 метрди түзүп, 23-декабрда оту жанды.
Каракол шаарындагы жаңы жылдык балаты 22-декабрда жанды. Балатынын бийиктиги 22 метрди түзөт.
Балатынын отун жандыруу иш-чаралары концерттик программа менен коштолуп, тургундарга жагымдуу маанай тартууланды.
