Жаңы жылга жаңы мектеп. Баткенде 84 млн. сомго курулган мектеп ачылды

Баткен шаарында жаңы мектеп пайдаланууга берилди. Президенттин аталган облустагы өкүлчүлүгүнөн кабарлашкандай, Кызыл-Дөң аймактык башкармалыгында №4 жалпы билим берүү мекемесинин ачылышы 30-декабрда болду.

1 из 5

Президенттин Баткен облусундагы ыйгарым укуктуу өкүлү Абдикарим Алимбаев алгач мектептин жамаатын жана окуучуларды жаңы мектептин ачылышы менен куттуктады.

1 из 8

Имарат жалпысынан 375 орунга ылайыкташып, мектептин курулушуна Сауд өнүктүрүү фонду тарабынан 84 млн. сом каражат гранттык негизде бөлүнгөн. Жаңы мектеп заманбап эмеректер менен толук шартта курулду.

Белгилей кетсек, шаарда жалпы 6 миңден ашуун окуучу бар. Жаңы мектеп шаардагы 10-мектеп болуп, пайдаланууга берилди.