Жаңы жылга карата жүргүзүлгөн рейдде 647 айдоочу мас экени аныкталды

Өлкө аймагында 12 күн ичинде 647 мас айдоочу аныкталганын Республикалык Жол кыймылынын коопсуздугун камсыздоо башкы башкармалыгынан кабарлашты.

Маалым болгондой, 2022-жылдын 20-декабрынан 1-январга чейин жаңы жылга карата рейд жүргүзүлгөн. Ага ылайык:

• 647 айдоочу мас абалында унаа башкарган;
• 474 айдоочу тийиштүү документтери жок башкарган;
• 74 айдоочу унаанын терезелерин мыйзамсыз караңгылаткан;
• 6 айдоочу автоээнбаштык жасаган.

Жогоруда жол эрежелерин бузгандарга карата мыйзамга ылайык чаралар көрүлдү.

ЖКККББнын өздүк курамы күчөтүлгөн тартип кызмат өтөөнү улантып, 8-январга чейин "Рулда" аталышында рейддик иш-чараны өткөрөт.