Эрназар Акматалиев, Тайырбек Жумашбек уулу Египеттеги турнирде алтын утушту

Египеттеги рейтингдик турнирде Эрназар Акматалиев алтын медаль утту. Финалдык беттеш 26-февралда өтүп, анда Акматалиев АКШлык Лукас Дакота Читтумду 10:0 эсебинде утту.

Белгилесек, Акматалиев жарым финалда өзбекстандык, грузиндик жана кыргызстандык Орозбек Токтомамбетовду жеңген.

Ушул эле мелдеште Тайырбек Жумашбек уулу эркин күрөш боюнча жеңүүчү болду.

Ал 26-февралда 61 килограммга чейинки салмак ченинде беттешип, Армениянын, Өзбекстандын, Ирандын спортчуларын жеңип, финалга чыгып, Украинанын өкүлүн жеңип алды.

Тема боюнча:

Египеттеги мелдеште кыргызстандык 4 балбан бири-бири менен күрөштү

Буга чейин кыз-келиндер арасындагы күрөштө Айсулуу Тыныбекова алтын, Мээрим Жуманазарова менен Айпери Медет кызы коло байге алган.

Ал эми мырзалар арасында күч сынашкан кыргыз курамасынын мүчөлөрү бир күмүш, эки коло медалга ээ болушкан.