Апасы менен сууга агып кеткен наристенин сөөгү 9 күндөн кийин табылды

Чүйдүн Аламүдүн капчыгайында апасы менен сууга агып кеткен наристенин сөөгү бүгүн, 27-июлда табылды. ӨКМдан билдиришкендей, кыздын сөөгү дээрлик 9 күн бою изделди.

Бүгүнкү издөө ишине 5 куткаруучу тартылган. Наристенин сөөгү болжол менен окуя болгон жерден 20 чакырым алыстыктагы "Таштар-Ата" дачасынын аймагында агып өткөн Аламүдүн суусунан жергиликтүү тургун тарабынан табылган. Куткаруучуларга маалымат берилип, кыздын жансыз денесин суудан чыгарылып, милиция кызматкерлерине өткөрүлдү.

Эске салсак, 18-июль күнү Аламүдүн капчыгайындагы Аламүдүн суусуна 2022-жылы туулган С.К. аттуу кичинекей кыз түшүп кеткен. Кызын куткарам деп 21 жаштагы келин да сууга түшүп, агып кеткен. Анын сөөгү ошол эле күнү табылган.