Жыл башынан бери 193 миңден ашуун россиялык Кыргызстанга туристтик максатта келген
2023-жылдын биринчи жарымында россиялыктар Кыргызстанга 193,4 миң туристтик сапар жасашкан. Мындай маалымат Росстат тарабынан берилген.
Өткөн жылдын ушул мезгилине салыштырмалуу Россиядан Кыргызстанга туристтик сапар жасагандардын саны 26,3%га өскөн. Россиянын жарандарынын чет өлкөлөргө туристтик саякаттарынын жалпы саны биринчи жарым жылдыкта 35,9%га, же 10,8 миллионго жеткен.
"Туристтик сапарлардын жалпы санынын 76,7% алыскы чет өлкөлөргө жана 23,3% КМШга мүчө мамлекеттерге жасалган", - деп айтылат Росстаттын маалыматында.
Россиянын Федералдык коопсуздук кызматынын маалыматы боюнча, 2022-жылы Кыргызстанга 446574 россиялык жаран сапар жасаган. 17 миң жаран иш сапар менен, 42 миң россиялык Кыргыз Республикасына автоунааларды тейлөөчү персонал катары, ал эми туристтик максатта 69 миң жаран келген.
Башкы беттеги сүрөт иллюстрациялык.
