Нуржигит Кадырбеков кыргыз тили боюнча тестирлөөдөн жогорку упай алды
Жогорку Кеңештин депутаты Нуржигит Кадырбеков кыргыз тили боюнча тестирлөөдөн эң жогорку упай алды. Бул туурасында "Кыргызтест" мамлекеттик мекемесинин директору Батма Топоева-Ставинская "Ыйман Нуру" парламенттик фракциясынын жыйынында билдирип, депутатка сертификат тапшырылды.
"Сиздин жыйынтыгыңызды карап көрүп, мен абдан кубанарлык нерсени айткым келип жатат. Акыркы 3 жылдын статистикасын карап көрдүк. 2021-жылы эң жогорку упай 86,8 пайыз экен, 90го жетпейт. 2022-жылы бир жаран 91,6 пайызга ээ болгон экен. 2023-жылы 96,8 пайызды болду, Нуржигит Кадырбеков алды. Бул 3 жылдын көрсөткүчү боюнча абсолюттук жогорку жыйынтык", - деди директор.
Жыйынга катышкан Мамлекеттик тил жана тил саясаты улуттук комиссиясынын төрагасы Каныбек Осмоналиев 90 депутаттын ичинен Нуржигит Кадырбеков биринчилерден болуп "Кыргызтесттен" абдан ийгиликтүү өткөнүн белгиледи.
