200 миң доллар опузалаганга шектелген облус башчынын кеңешчиси үй камагына чыгарылды

Баткен облусунун башчысы Абдикарим Алимбаевдин кеңешчиси 200 миң доллар опузалаганга шектелип, 2 айга камакка алынган. Анын бөгөт чарасы өзгөргөнүн облустук соттон Kaktus.kg сайтына билдиришти.

Баткен райондук сотунун 17-январдагы токтому менен айыпталуучу Т.А.Мнын бөгөт чарасы өзгөрдү. Ага ылайык, ал 21-февралга чейин үй камагына алынды.

Тема боюнча:

Баткен облусунун башчысынын кеңешчиси 2 айга камакка алынды

Белгилесек, былтыр 23-ноябрда президенттин Баткен облусундагы ыйгарым укуктуу өкүлүнүн кеңешчиси кармалган. УКМКдан кеңешчи көмүр казуучу ишкананын башкы директорунан 200 миң доллар өлчөмүндө пара алып жаткан жеринен колго түшүрүлгөнүн билдирген. 25-ноябрда райондук сот Т.Мамытовду 2 айга камакка алган.