Өлкөнүн муфтийи кызмат ордуна конкурс жарыяларды. Талаптар

Кыргызстан мусулмандарынын дин башкармалыгы өлкөнүн муфтийи кызмат ордуна конкурс жарыялады. Талапкер болууну каалагандар бүгүн, 27-январдан баштап документтерин берүүгө тийиш.

Документтерди кабыл алуу 6-февралга чейин саат саат 10:00-17:00гө чейин жүргүзүлөт.

Тема боюнча:

Муфтий Замир Ракиев өз каалоосу менен кызматтан кетти

Каттоого катышуу үчүн керектүү документтер:

• Талапкердин Каттоо комиссиясынын төрагасынын наамына жазган арызы;
• Кадрларды каттоо баракчасы 4 даана ¾ өлчөмүндө сүрөтү менен (байланыш маалыматтары, жашаган жеринин дареги сөзсүз түрдө көрсөтүлүшү керек);
• Паспортунун көчүрмөсү (ID карт);
• Резюме. (Устазынын аты-жөнү, илимий жетишкендиктери, иш тажрыйбасы жана алган сыйлыктарына басым жасалат);
• Эмгек китепчесинин көчүрмөсү;
• Мүнөздөмө (КМДБдан же облустук/ шаардык Казыяттардан);
• Жогорку диний жана жогорку светтик билимин тастыктоочу документеринин көчүрмөлөрү;
• Соттолбогондугу тууралуу аныктама каты.

Талапкер үчүн коюлган талаптар:

• Кыргыз Республикасынын негизги мыйзамдары жана демократиялык коомдун негизги принциптери жөнүндө түшүнүгү бар;
• Матуриди акыйдасын жана Ханафи мазхабын терең билген / карманган;
• Жогорку диний жана жогорку светтик билимге ээ;
• Куран, тафсир, акыйда, хадис, фикх жана башка Ислам негиздерин терең өздөштүргөн;
• Муфтияттын курамында беш жылдан кем эмес жетекчилик кызматта иштеген;
• Мусулман коомчулугунун, туугандарынын, үй-бүлөсүнүн арасында аброю жогору болгон жана элдин ишенимине кирген;
• Мурда соттолбогон;
• Эч бир саясий партияларга жана кыймылдарга катышы жок;
• Жетекчилик, уюштуруучулук жана лидерлик сапатка ээ;
• Адеп-ахлагы бийик, адилеттүү, адамгерчиликтүү, такыба, гумандуу, чынчыл жана калыс;
• Мамлекеттик жана араб тилдеринде эркин сүйлөгөн жана мына ушул тилдерде өз ой пикирин кеңири жаза алган Кыргыз Республикасынын жараны Кыргызстан мусулмандарынын муфтийи кызмат ордуна талапкер катары каттала алат.