Бишкекте "Кыргызстан сулуусу" сынагы өттү. Жеңүүчүлөр кимдер?

Бишкекте 25-июлда "Кыргызстан сулуусу-2024" сынагы болуп өттү. Сынактын уюштуруучусу Рысгүл Намазбекова былтыркыдай эле 3 бийкеч өлкө сулуусу деп табылганын билдирди.

Сынактын финалына жалпы 23 катышып, башкы байге үчүн ат салышты. Алардын ичинен 3 бийкеч суурулуп чыгып, төмөнкү номинациялар боюнча жеңүүчү болушту.

• 24 жаштагы Айпери Нурбекова - "Кыргызстан Жер сулуусу"
  Айпери Нурбекова.
• 18 жаштагы Мери Кувакова - "Кыргызстан Аалам сулуусу"
  Мери Кувакова.
• 16 жаштагы Ариет Санжарова - "Кыргызстан Дүйнө сулуусу"
  Ариет Санжарова.

Рысгүл Намазбекова белгилегендей, 3 кыз тең Кыргызстандын сулуусу деген наамга татыктуу. Алардын экөө эл аралык сынактарга барганга укук алат.

Белгилесек, өлкөдөгү улуттук сулуулар сынагынын шарттары былтыр өзгөргөн. Ага ылайык, мурдагыдай бир эле бийкеч эмес, 3 катышуучу жеңүүчү болот.