Ысык-Көлдө козу карын тергенге кеткен баланын жансыз денеси табылды
Ысык облусунда козу карын тергенге кеткен 17 жаштагы баланын сөөгү табылды. Бул туурасында Өзгөчө кырдаалдар министрлигинен кабарлашты.
Маалыматка караганда,19-июлда 17 жаштагы өспүрүм Барскоон капчыгайына козу карын тергенге кетип, дайынсыз болуп жаткан.
Издөө иштерине 16 куткаруучу жана жергиликтүү тургундардан 25 адам тартылып, саат 23:00дө издөө токтотулган. Бүгүн, 20-июлда таңкы саат 05:20да баланын сөөгү туугандары табышты. Ал эми анын сөөгүн тоодон түшүрүүнү Өзгөчө кырдаалдар бөлүгүнүн адистери колго алышты.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/7583
