"Манас", "Даңк" ордендери менен сыйланган белгилүүлөр
Президент Садыр Жапаров социалдык-экономикалык, интеллектуалдык жана маданий потенциалын өнүктүрүүгө кошкон олуттуу салымы, кесиптик ишиндеги чоң жетишкендиктери үчүн, ошондой эле Кыргыз Республикасынын көз карандысыздыгынын күнүнө байланыштуу бир катар инсандарды сыйлоо жарлыгына кол койду. Ага ылайык:
III даражадагы "Манас" ордени менен:
Курмангазы Азыкбаев - композитор, музыкант, "Кыргыз Республикасынын музыка ишмерлер союзу" коомдук бирикмесинин мүчөсү;
Кыргызбай Осмонов - Токтогул Сатылганов атындагы Кыргыз улуттук филармониясынын башкы директору сыйланды.
"Даңк" ордени:
Каныкей Эралиева - ырчы, композитор, "Кыргыз Республикасынын композиторлор союзу" коомдук бирикмесинин мүчөсүнө ыйгарылды.
"Даңк" төш белгиси менен:
Гүлнара Сыдыкбекова - Токтогул Сатылганов атындагы Кыргыз улуттук филармониясынын Карамолдо Орозов атындагы академиялык эл аспаптар оркестринин артисти сыйланды.
