Бишкектеги жаңы жылдык балаты алынат

Бишкектеги "Ала-Тоо" аянтында өлкөнүн башкы балатысын, ошондой эле жаңы жылдык конструкцияларын алуу иштери башталды. Бул тууралуу калаа башкармалыгынан бүгүн, 16-январда кабарлашты.

Жаңы жылдык жасалганы "Тазалык" жана "Бишкекжарык" муниципалдык ишканаларынын кызматкерлери чогултууда.

Карагайдын каркасы жана ийне жалбырактуу бутактар "Тазалык" ишканасында сакталат, балатынын жасалгалары жана инсталляциялары этияттык менен алынып, таңгакталып "Бишкекжарык" муниципалдык ишканасынын кампасында сакталарын айтышат мэриядан.