Бүтүрүүчү класстын окуучулары быйыл экзамен тапшырышабы? Билим берүү министрлигинин жообу
Kaktus.media редакциясына бүтүрүүчүлөр жана алардын ата-энелери быйыл экзамендер болобу же жокпу деген суроо менен көп эле кайрылышат. Айрым окуучулар, окуу жылы онлайн жүрүп, даярдык төмөн болгондугуна байланыштуу экзаменди жоюп салууну сунушташты.
9- жана 11-класстын окуучулары быйыл экзамен тапшырабы, эгер тапшырса кандай алгоритм колдонулат? - деген суроого Билим берүү министрлиги төрт күн бою жооп бере албай койду.
Бүгүн, 18-мартта ведомствонун басма сөз кызматы бул маселе дале каралып жатат, деп жооп берди.
Эске салсак, балдар бир жыл бою үйдөн окушту. Окуучулардын бир бөлүгү салттуу окутуу форматына 18-февралдан тартып киришкен. 9-марттан баштап 2,3,4-класстын окуучулары мектепке бара башташкан. 1-апрелде бардык класстар окуйт деп жарыяланды. Эгер кайрадан чектөөлөр киргизилбесе.
