Майлуу-Сууда канча абонентке жылуулук менен ысык суу берилди? Бүгүнкү күндөгү абал
Жалал-Абад облусунун Майлуу-Суу шаарында бүгүнкү күндө көп кабаттуу үйлөрдүн 80%ына жылуулук берилди. Ошондой эле ысык суу бериле баштады дешет ӨКМнын басма сөз кызматынан.
Учурда 4 от казан ишке киргизилип, көп кабаттуу үйлөрдүн 80%ы жылуулук менен камсыздалды. Мындан сырткары "Кыргызнефтегаз" ишканасы шаардын Кутманова көчөсүндөгү көп кабаттуу турак үйлөрдүн жер төлөсүндөгү тоңуп калган таза суу системасын атайын техника менен эритип, жалпы 1234 абоненттин 807сине ысык суу берилди.
Эске салсак, катуу суукка байланыштуу Майлуу-Сууда 12-январда таза суу жана жылуулук берүү үзгүлтүккө учурап, аймакка өзгөчө кырдаал режими киргизилген. Шаардагы кырдаалга байланыштуу жашоочулар президент Садыр Жапаровго жана УКМКнын төрагасы Камчыбек Ташиевге кайрылышкан.
