Министрдин буйругу менен милиция бөлүмдөрүндө жетекчилер алмашты

Бир катар райондук, шаардык ички иштер бөлүмдөрүнүн жетекчилери башка аймактарга ротацияланды. Ички иштер министрлигинен маалымдашкандай, 6 жетекчи ротацияланды.

Ички иштер министринин буйругу менен өткөн аптада:

• Кенжебай Абдуллаев Ош облусунун Араван РИИБдин начальниги кызматынан бошотулуп, Баткен облусунун Кызыл-Кыя ШИИБине жетекчи;
• Нурланбек Бурканов Баткен облусунун Кызыл-Кыя ШИИБинин начальниги кызматынан бошотулуп, Ош облусунун Араван РИИБине жетекчи;
• Уланбек Коноев Нарын облусунун Жумгал РИИБинин начальниги кызматынан бошотулуп, Жалал-Абад облусунун Ноокен РИИБинин начальниги;
• Медербек Муратов Жалал-Абад облусунун Базар-Коргон РИИБинин начальниги кызматынан бошотулуп, Талас облусунун Талас ШИИБине жетекчи;
• Асрор Тантиев Талас облусунун Талас ШИИБинин начальниги кызматынан бошотулуп, Жалал-Абад облусунун Базар-Коргон РИИБине жетекчи;
• Алтынбек Мусаев Жалал-Абад облусунун Ноокен РИИБинин начальниги кызматынан бошотулуп, Нарын облусунун Жумгал РИИБине жетекчи болуп дайындалышты.

Тема боюнча:

Милициянын райондук, шаардык кызматтарынын жетекчилери алмашты. Тизме

Жаңы дайындалган жетекчилерге коомдук тартипти сактоого, кылмыштуулук менен күрөшүүгө жана аны алдын алууга, кылмыштардын бетин ыкчам ачууга, кылмыштуу кол салууларды болтурбоого арналган – санарип тутумун бекемдөө, райондордогу негизги жерлерге видеокамераларды орнотуу, жарандардын арыз-кайрылууларына өз убагында жооп берүү жана милициянын көчмө кабылдамалары менен жарандарды кабыл алуу, алар көтөргөн маселелерди чечүү тапшырмалары берилди.