Fox News: Дональд Трамп 136 жылга эркинен ажыратылышы мүмкүн
АКШнын мурдагы президенти Дональд Трамп "Trump" уюмунун биринчи даражадагы каржылык маалыматтарын бурмалаган 34 берене боюнча 136 жылга эркинен ажыратылышы мүмкүн. Бул тууралуу 4-апрелде Fox News билдирди.
Ошол эле маалда Ак үйдүн мурдагы жетекчиси айыптардын жарым-жартылайы же толугу менен күнөөлүү деп табылса, реалдуу мөөнөт алда канча азыраак болушу ыктымал, деп жатышат жергиликтүү журналисттер.
Нью-Йорк округунун прокурору Элвин Брэггдин айтымында, бул шайлоодо талапкерди мыйзамсыз жолдор менен жылдыруу үчүн да кылмыштуу кутум болушу мүмкүн.
"Жалпысынан Нью-Йорктогу 130 миң долларлык төлөмдү жашыруу үчүн бизнес документтерине 34 жалган жазуу жасалган", - деп кошумчалады Брэгг.
Трамп өзү 2024-жылкы шайлоого катышуу пландарына байланыштуу айыптоолорду "саясий куугунтук" деп атайт. Трамп кийинки соттун алдында 4-декабрда чыгат деп күтүлүүдө. Ага чейин жыйындар өтүп, анда экс-президенттин баш коргоо чарасынан түшкөн кайрылуулар каралат.
