"Балама көз салып койгула". Сотто Рита Карасартова акыркы сөзүн сүйлөдү
Рита Карасартова сотто алар акыркы жолугушуусунда бир нерсе уюштуруу эч кимдин оюна да келген эместигин айтты.
"Биз ушунча жылдан бери саясатта жүрдүк, баарыбыз эле билебиз, эгер кимдир бирөө мыйзамсыз иштерди айтып жатса, биз өзүбүз эле мындай адамды токтотмокпуз. Биз үнүбүздү Жогорку Кеңешке жеткирели дегенбиз. Кемпир-Абад кийин Баткендей болуп жаңжалдын чордону болуп калбасын дедик", - деди Карасартова.
Ал жесир калганын, анын багуусундагы кичинекей баласы бар экенин, үйдө баласы жалгыз калганын, ал мектепке бара албай жатканын белгиледи. Анын айтымында чоң балдары Бишкекте эмес, жер үйдө жашайт аны көмүр менен жылытууга муктаж.
"Мен соттон эркинен ажыратуу менен байланышпаган чечим чыгарууну суранам. Бирок эгер камай турган чечим чыгарса, анда менин балам кайда жөнөтүлөөрүн дароо тактап бергиле. Мен прокурордон уулума кам көрүүнү суранам", - деди Карасартова.
Судья чечим чыгаруу үчүн кеңешүү бөлмөсүнө чыгып кетти.
