Рита Карасартова, журналист Айданбек Акматов камакта калтырылды
RU

Рита Карасартова, журналист Айданбек Акматов камакта калтырылды

Негизги жаңылыктар кыскача Telegram каналында

Бүгүн, 11-ноябрда Бишкек шаардык сотунда массалык баш аламандык уюштурууга шектелгендердин кармалышынын мыйзамдуулугу жана баш коргоо чарасы каралууда.

Соттук коллегия журналист Айданбек Акматовдун кармалышын мыйзамдуу деп таап, 20-декабрга чейин СИЗОдо кармоо чечимин кабыл алды.

Андан кийин сот активист Рита Карасартованын баш коргоо чарасын карап, буга чейинки соттун чечимин өзгөртүүсүз калтырды.

Белгилей кетсек, 10-ноябрда мурдагы депутаттар Канат Исаев, Равшан Жээнбеков жана Жалал-Абад облусунун мурдагы губернатору Бектур Асановдун жактоочусунун апелляциялык арызы каралып, жактоочунун арызы канааттандырылган жок. Тагыраагы, Канат Исаев 23-ноябрга чейин, Равшан Жээнбеков жана Бектур Асанов 20-декабрга чейин камакта калтырылды.

Белгилесек, 23-октябрда опозиция саясатчылары, активисттер коомдук баш аламандыкты жаратууга шектелип кармалган. Андан бир күн мурун Кемпир-Абад суу сактагычын колдоо боюнча комитет түзүлгөн.

27-октябрда кармалган активисттер соттун чечими менен эки айга СИЗОго киргизилген. Камакка алынгандар:

  • Акылбек Айтбаев.
  • Айданбек Акматов.
  • Нурлан Асанбаев.
  • Бектур Асанов.
  • Атай Бейшенбек.
  • Азимбек Бекназаров.
  • Эрлан Бекчороев.
  • Айбек Бусурманкулов.
  • Гулнара Журабаева.
  • Кеңешбек Дүйшебаев.
  • Равшан Жээнбеков.
  • Кубанычбек Кадыров.
  • Рита Карасартова.
  • Чынгыз Капаров.
  • Таалайбек Мадеминов.
  • Улукбек Маматаев.
  • Жеңиш Молдокматов.
  • Асия Сасыкбаева.
  • Клара Сооронкулова.
  • Перизат Суранова.
  • Али Шабдан
  • Марат Баязов.
  • Канат Исаев.

Талант Эшалиевге карата сот сырттан баш коргоо чарасын – үй камагын тандалган. Андан сырткары Мамбетжунус Абылов, экс-депутат Орозайым Нарматова менен жарандык активист Илгиз Шаменов Россияда кармалып, СИЗОго киргизилген.

Канат Исаевден башкасынын иши "массалык баш аламандык" беренеси боюнча каралууда. Исаевдин иши "жашыруун" деп белгиленген.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.
url: https://kaktus.kg/9235