"Жүрөгүм тилинип турат". Жеңиш Молдокматов камакта калтырылды
RU

"Жүрөгүм тилинип турат". Жеңиш Молдокматов камакта калтырылды

Негизги жаңылыктар кыскача Telegram каналында

Активист Жеңиш Молдокматовдун баш коргоо чарасы бүгүн, 11-ноябрда Бишкек шаардык сотунда каралды. Анын жактоочусу Кантемир Турдалиев Биринчи Май райондук сотунун чечимин жокко чыгарууну өтүндү.

Ал эми Жеңиш Молдокматов Кемпир-Абадды берүүгө каршы чыккандардан бийлик коркуп жатканын айтат.

"Менин жүрөгүм тилинип турат... Кемпир-Абад деп кармалгандарга кайдыгер караганыңарга. Аталар калпагын, апалар жоолугун алмаштырып, унаанын коштоосунда барышып "ушул уул-кыздарды камагыла" дегенде жүрөгүм тилинди. Качан кыргыз ушундай майдаланды эле?! Жерин сактайм деген уул-кыздарын кыргыздар качан сатты эле? Булар "эл бузарлар", "душмандар", "популисттер" деп кыргыздын апалары, аталары айтканына мен күйүп жатам", - деди ал.

Соттук коллегия Жеңиш Модокматовду СИЗОдо камакта калтыруу чечимин кабыл алды.

Белгилесек, 23-октябрда опозиция саясатчылары, активисттер коомдук баш аламандыкты жаратууга шектелип кармалган. Андан бир күн мурун Кемпир-Абад суу сактагычын колдоо боюнча комитет түзүлгөн.

27-октябрда кармалган активисттер соттун чечими менен эки айга СИЗОго киргизилген. Камакка алынгандар:

  • Акылбек Айтбаев.
  • Айданбек Акматов.
  • Нурлан Асанбаев.
  • Бектур Асанов.
  • Атай Бейшенбек.
  • Азимбек Бекназаров.
  • Эрлан Бекчороев.
  • Айбек Бусурманкулов.
  • Гулнара Журабаева.
  • Кеңешбек Дүйшебаев.
  • Равшан Жээнбеков.
  • Кубанычбек Кадыров.
  • Рита Карасартова.
  • Чынгыз Капаров.
  • Таалайбек Мадеминов.
  • Улукбек Маматаев.
  • Жеңиш Молдокматов.
  • Асия Сасыкбаева.
  • Клара Сооронкулова.
  • Перизат Суранова.
  • Али Шабдан
  • Марат Баязов.
  • Канат Исаев.

Талант Эшалиевге карата сот сырттан баш коргоо чарасын – үй камагын тандалган. Андан сырткары Мамбетжунус Абылов, экс-депутат Орозайым Нарматова менен жарандык активист Илгиз Шаменов Россияда кармалып, СИЗОго киргизилген.

Канат Исаевден башкасынын иши "массалык баш аламандык" беренеси боюнча каралууда. Исаевдин иши "жашыруун" деп белгиленген.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.
url: https://kaktus.kg/9244