Нурдан Орунтаевди колдоп пикетке чыккан аялга иш козголду

26-майда вице-мэр Нурдан Орунтаевди колдоп Улуттук коопсуздук мамлекеттик комитеттин имаратынын алдына пикетке жалгыз чыккан Назира Муканбетовага кылмыш иши козголду. Бул тууралуу Kaktus.media сайтына укук коргоо органдарындагы булактар ​​билдирди.

Маалым болгондой, ал коомдук тартипти бузуп, Г.Ч. атту жарандын жанынан өтүп бара жатып оозеки чыр-чатак чыгып, ага карата физикалык күч колдонгон. Буга байланыштуу окуянын чоо-жайын тактоо үчүн милициянын ыкчам тобу чакыртылган.

Эки аял тең Биринчи Май РИИБге жеткирилип, Г.Ч.нын арызынын негизинде Муканбетовага карата Кылмыш-жаза кодексинин 119-беренеси ("Майда бейбаштык") боюнча иш козголгон.

Экспертизалар дайындалып, тергөө жүрүүдө.