Бишкекте күрөштүн түрлөрү боюнча Олимпиадага жолдомо үчүн беттеш башталды
Бүгүн, 19-апрель күнү Бишкекте Париждеги Олимпиада оюндарына жолдомо (лицензия) берүүчү Азиялык турнири старт алды.
Мелдештин биринчи күнүндө эркин күрөш боюнча 6 салмакта (57 кг, 65 кг, 74 кг, 86 кг, 97 кг жана 125 кг) мелдештер орун алып, өлкө намысын 6 балбан коргойт. 1-2-орунду ээлеген спортчулар Олимпиадага жолдомо алышат.
57 кг чейинки салмак ченинде Бекзат Алмаз уулу 1/8 финалдык баскычтан баштайт. Анда Палестина өлкөсүнөн келген Али Абурумайла аттуу балбан менен күч сынашат.
65 кг чейинки салмакта Эрназар Акматалиев чейрек финалга чыгуу үчүн ирактык Мохаммед Карим менен күрөшүп, 10:0 эсебинде атаандашын утту.
74 кг чейинки салмакта Орозобек Токтомамбетов 1/8 финалда Бахрейн мамлекетинин атынан чыгып жаткан орусиялык Магомерасул Аслуев менен беттеш өткөрөт.
86 кг чейинки салмакта Нуртилек Карыпбаев 1/4 финалга чыгуу үчүн камбожиялык Вытуй Ханга аттуу спортчу менен таймашып, жеңди. Алдыда кытайлык Зушен Лин аттуу балбан менен жарым финалга чыгуу үчүн күч сынашат.
97 кг чейинки салмакта Андрей Аронов 1/8 финалда түркмөнстандык Шатлык Хемеляев менен күрөшүп, акын даты беттеши ийгиликтүү аяктады.
125 кг чейинки салмакта Айаал Лазарев 1/4 финалдык баскычтан баштайт. Атаандашы пакистандык Заман Анвар жана казакстандык Юсуп Батымурзаевдин кармашынан кийин билинет. Кыргызстандык спортчу жеңүүчүсү менен чыгат.
Эскерте кетсек, аталган лицензиялык мелдеш Бишкекте биринчи жолу өткөрүлүп жатат.
