"Бала ырысы" жөлөк пулуна арыздарды кабыл алуу июлда башталат
"Бала ырысы" жөлөк пулуна арыздарды кабыл алуу 1-июлда башталат. Бул тууралуу Эмгек, социалдык камсыздоо жана миграция министрлиги билдирет.
Белгилесек, ушул жылдын 21-майында президент Садыр Жапаров "Бала ырысы" аттуу жөлөк пулун киргизүү жөнүндө жарлыкка кол койгон.
Улуттук статистика комитетинин маалыматына ылайык, Кыргызстанда үч жашка чейинки 440-470 миң бала бул жөлөк пулду алууга укуктуу болот.
Программаны ишке ашырууга мамлекет жыл сайын болжол менен 6,4 миллиард сом бөлүүнү пландоодо. Анын ичинде программа 2026-жылдын 1-июлунан тартып ишке киргенине байланыштуу ушул жылы болжол менен 3,1 миллиард сом талап кылынат.
Жөлөк пул дайындоо үчүн зарыл болгон бардык маалыматтар "Түндүк" тиркемесинде болот. Бул төлөмдөрдү алуу жол-жобосун кыйла жөнөкөйлөтүп, көп сандагы документтерди чогултуу зарылдыгын жоёт.
Ошондуктан жарандарга жеке маалыматтарын өз убагында жаңыртып туруу сунушталат. Башкача айтканда, үй-бүлөгө тиешелүү бардык маалыматтарды санариптештирүү зарыл.
Бул жөлөк пулдарды ыкчам дайындоону жана мамлекеттик колдоону натыйжалуу көрсөтүүнү камсыздайт", - дешет министрликтен.
Башкы беттеги сүрөт иллюстрациялык.
