Нурбек Токтакунов депутаттыкка талапкерлерге АШК, БШК жана сотко кайрылууну кеңеш кылды
RU

Нурбек Токтакунов депутаттыкка талапкерлерге АШК, БШК жана сотко кайрылууну кеңеш кылды

Все самое интересное в Telegram

№27 Биринчи Май шайлоо округу боюнча депутаттыкка талапкер, "Прецедент" укуктук топтун жетекчиси Нурбек Токтакунов шайлоонун соңунда бир нерсе талап кылуудан мурда өзүнүн күнөөсүздүгүн далилдөө үчүн бардык ыкмалар колдонулушу керектигин БШКдагы жыйында билдирди.

"Мыйзамдарды изилдеп чыктыңар да. Саясий талаптарды коюуга укугубуз жок, анткени биз укукка шек келтирүүнүн бардык мыйзамдуу мүмкүнчүлүктөрүн түгөтө элекпиз. Ал эми пара алуу боюнча айтсам, анда мен гана ИИМге, УКМКга арыз менен кайрылгандыктан, отчет талап кылууга укугум бар окшойт. Мендеги маалыматтарга караганда, Койчуманов Матраимовдун акчасына шайлоого катышпай эле элди сатып алган. Ал эми бийликчил жана президенттик "Ишеним" партиялары административдик ресурс колдонушкан. Мен мыйзамдын бардык мүмкүнчүлүктөрүн алып чыгам", - деди Токтакунов талапкерлерге кайрылып.

Ал бардыгына АШКга, БШКга, сотко кайрылууну жана андан кийин гана саясий өзгөрүүлөрдү талап кылууну сунуштады.

"Азыр суроолордун көбү Miru Systems компаниясынын Кореядан келген системасы боюнча. Анда коррупция фактылары катталганы тууралуу маалыматтар болгон", - деп эскерет Токтакунов.

Талапкер кошумчалагандай, партиялар добуштарды ачык-айкын кайра саноо боюнча макулдашкан.

"Мен дагы бул процесске катышкым келет, эмне үчүн бир адамдын катасы өлкө боюнча бөлүнүп-жарылууга алып келет?" - деп жыйынтыктады ал.

Борбордук шайлоо комиссиясынын төрагасынын орун басары Тынчтык Шайназаров добуштарды кайра саноого партиялардын өкүлдөрү катышууга мүмкүнчүлүк алаарын эске салды.

"Добуштарды кайра саноого катышсаңыздар болот. Талдоо жүргүзүүгө ар бир партиянын IT адистери катышат деп макулдаштык", - деп эске салды төраганын орун басары.

"Тыянак чыгарууга шашпоого чакырам. Шылдабекова мунун себебин так түшүндүрүп берди. Мыйзам боюнча кол менен саноо юридикалык күчкө ээ, бирок АКС квитанцияларында жок. Күмөндөр бар жерде биз сиздер менен бирге кароого даярбыз. Биз баш тартпайбыз, жашынбайбыз, качкан жокпуз. Биз барын мыйзам чегинде кабыл алабыз",-деп жыйынтыктады Шайназаров.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/4621