Талас облустук ички иштер башкармалыгынын жетекчиси алмашты

ИИМдин башкармалыктарында жана бөлүмдөрүндө кадрдык өзгөрүүлөр уланууда. Күч түзүмдөрүнөн Kaktus.media сайтына билдиришкендей, Талас ОИИБдин башчысы Марлис Асанов Ош ШИИБдин жетекчиси болуп дайындалды.

Марлис Асанов

Андан тышкары:

• Буга чейин Бишкектин Октябрь РИИБинин башчысы кызматын ээлеп келген Азамат Токтоналиев Марлис Асановдун ордуна барды;

Азамат Токтоналиев

• Бишкек ШИИББдин кылмыш иликтөө бөлүмүнүн башчысы Улан Айтбаев ИИМдин Кылмыш иликтөө башкы башкармалыгынын башчысынын орун басары болду;

Улан Айтбаев

• Бишкек ШИИББдин кылмыш иликтөө башкы башкармалыгынын жетекчисинин орун басары кызматын аркалап келген Зарылбек уулу Эмирлан Бишкектин Октябрь РИИБинин башчысы болду;
• Андан тышкары Ош ШИИБдин мурдагы башчысы Акылбек Мамасейитов жарандык коргонуу бөлүмүнүн башчысы болуп дайындалды.

Акылбек Мамасейитов