Каржы министрлиги бүгүнкүгө карата түрк элине канча сом чогулганын айтты

Түрк элине жардам көрсөтүү максатында ачылган атайын эсепке түшкөн каражат бүгүн, 14-февралга карата 14 миллион сомго чамалады. Каржы министрлигинин маалыматына караганда, сомдон тышкары рубль түрүндө да каражат топтолду.

"Бүгүн, 14-февраль саат 10:00гө карата Түркия Республикасынын жарандары үчүн ачылган атайын эсеп 13 млн 962 603 сом жана 12 550 рубль менен толукталды", - дешет министрликтен.

Белгилесек, буга чейин Каржы министрлиги түрк элине кайрымдуу жарандардан 12 миллион сомдон ашык каражат топтолгонун кабарлаган. Бирок 13-февралда башка цифраны, тагыраагы, 4 млн 958 834,41 сом жана 12 550 миң рубль чогулганын айтышкан.

Сүрөт: Anadolu.