Түркияда кайра кайталанган жер титирөөдөн жабыр тарткандар көбөйүүдө

Түркия менен Сирияда кайра кайталанган жердин силкинүүсүнөн дээрлик 500дөн ашуун адам жабыркады. Түркиянын Саламаттыкты сактоо министри Фахреттин Кожа экинчи жер титирөөдө алты киши каза болуп, 562 киши жаракат алганын билдирди.

Анын айтымында 18 адам оор жаракат менен Адана жана Дөртйол ооруканаларына жеткирилген.

Сүрөт: Anadolu

Ал эми 6-февралда болгон жер титирөөлөрдөн каза болгондордун саны Түркияда 42 миң 310го жеткенин Түркиянын апааттарды алдын алуу жана кесепеттерге каршы күрөшүү башкармалыгы (AFAD) билдирди. Бул сан дагы да өсүшү күтүлүүдө: 385 000 батир кыйрап, андан тышкары көптөгөн имараттар олуттуу зыянга учураган. Дайыны табыла элек адамдар да миңдеп саналат.

Тема боюнча:

Түркиядагы жер титирөө алдындагы көрүнүштү сейсмологдор түшүндүрүштү

Табигый кырсыктан жабыркагандардын жалпы саны Сирияны кошкондо азыр 45 531ге жетти.