Самсалардын үстүндө келемиштер жүрөт. Кафе жабылды. Видео
Самсаларды аралап келемиштер чуркап жүргөн "Рахат Локум" кафеси мыйзам бузуулар жоюлмайынча жабылды. Бул тууралуу Kaktus.media сайтына Мамлекеттик санитардык-эпидемиологиялык көзөмөлдөө борборунун башкы дарыгери Кубан Кундашев билдирди.
Анын айтымында, борбордун адистери коомдук тамактануу жайына эки жолу барышкан: кечээ, 2-июль күнү кечинде видео пайда болгондон кийин жана бүгүн, 3-июлда эртең менен.
"Кечээ мекеменин кызматкерлери болгон эмес. Кафе жабылган. Эртең менен адистер барып тамактануучу жайдын ээсине айып пул салып, санитардык-гигиеналык эреже бузуулар жоюлганга чейин кафени жаап салышкан. Кечинде келемиштер жок болчу. Алар кечинде чыгышат окшойт", - деди Кундашев.
Буга чейин социалдык тармактарда самсалардын үстүндө келемиштер жүргоң видео тарап кеткен.
