Өлкөдө катуу ысыкка байланыштуу жумуш күнү кыскартылбайт
18
Эмгек, социалдык камсыздоо жана миграция министрлиги аномалдуу ысыкка байланыштуу өлкөдө жумуш күнү кыскартылбай турганын билдирет. Министрликтин маалыматына караганда, мындай эреже Эмгек кодексинде каралган эмес.
"Учурдагы колдонуудагы Эмгек кодексинде аномалдуу ысыкка байланыштуу жумуш күнүнүн узактыгын милдеттүү түрдө кыскартуу каралган эмес. Ошол эле учурда мыйзамдарга ылайык, иш берүүчүлөр кызматкерлер үчүн коопсуз эмгек шарттарын камсыз кылууга милдеттүү", - деп айтылат билдирүүдө.
Буга чейин Өзгөчө кырдаалдар министрлиги 14-июлдан 18-июлга чейин абанын температурасы жогорулап, айрым аймактарда +43 градуска чейин жетерин эскерткен.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18245
