ЖАМК Аскат Жетигендин тамактануусу, ден соолугу боюнча айтылган кептерди четке какты
Социалдык тармактарга абактагы Аскат Жетигендин ден соолугунун начардыгы жана начар тамактануусу тууралуу маалыматтар тарады. Жазаларды аткаруу мамлекеттик кызматы бул маалыматтарды четке какты.
Мекеменин маалыматы боюнча, Аскат Жетиген 2026-жылдын 2-мартында кезектеги медициналык кароодон өткөн.
"Текшерүү учурунда ал ден соолугунда эч кандай көйгөй жок экендигин билдирген. Учурда анын абалы канааттандырарлык жана ал медициналык жардам үчүн кайрылган эмес", - деп айтылат маалыматта.
Жазаларды аткаруу мамлекеттик кызматынын маалыматы боюнча, соттолгондорду тамак-аш менен камсыз кылууда эч кандай мыйзам бузуулар аныкталган эмес.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18236
