Иран Шанхай кызматташтык уюмуна мүчө болуп кирди
Шанхай Кызматташтык Уюму (ШКУ) шейшембиде Иран уюмга мүчө мамлекеттердин катарына киргенин расмий жарыялады. Бул тууралуу чечим Индия төрагалык кылган уюмдун 23-саммитинде кабыл алынды. Виртуалдык жолугушууну ШКУнун катчылыгы көрсөттү.
Иран мамлекеттер аралык уюмунун тогузунчу мүчөсү болуп калды. 2022-жылы сентябрда Самаркандда өткөн ШКУнун саммитинде Ирандын уюмга кирүү боюнча милдеттенмелери тууралуу меморандумга кол коюлган.
ШКУ 2001-жылы 15-июнда Шанхайда түзүлгөн. Алгач уюмга алты мамлекет – Кыргызстан, Россия, Казакстан, Кытай, Тажикстан жана Өзбекстан кирсе, 2017-жылы аларга Индия жана Пакистан кошулган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/13239
