Абитуриенттерге кулак кагыш. ЖОЖго тапшыруу үчүн босого баллдар айтылды

Илим, жогорку билим берүү жана инновация министрлиги быйылкы жылы Кыргызстандын жогорку окуу жайларына тапшыруу үчүн минималдуу баллдарды өзгөрткөн жок. Бул тууралуу министрликтин өкүлү Айнура Исираилова "Биринчи радиодо" айтты.

Тема боюнча:

"Алтын сертификатка" ээ болгон бүтүрүүчүлөрдүн тизмеси

• Бюджеттик жана контракттык орундарга кабыл алуу үчүн тестирлөөнүн минималдуу баллы 110, ал эми предметтик тесттер боюнча 60 баллды түзөт.
• Педагогикалык багытты тандагандагандарга жогорку талаптар коюлат. Гранттык программалар боюнча негизги тесттен 130 баллдан кем эмес, ал эми келишимдик программалар үчүн 115 баллдан кем эмес талап кылынат. Предметтик тесттен минималдуу 60 балл болушу керек.
• Медициналык программалар боюнча бюджеттик орундарга тапшыруу негизги тесттен 120 балл, ал эми келишимдик программалар үчүн 110 балл талап кылынат. Предметтик тесттер 60 баллдан кем эмес болушу шарт.
• I жана II топтогу майыптыгы бар абитуриенттерге, бала кезинен ден соолугунан мүмкүнчүлүгү чектелгендерге, жетим балдарга жана ата-энесинин камкордугусуз калган балдарга атайын шарттар каралган. Гранттык жана келишимдик орундарга (медициналык жана фармацевтикалык адистиктерден тышкары) тапшыруу үчүн алар негизги тесттен кеминде 90 балл топтошу керек.

Жогорку окуу жайларга кабыл алуу 13-июлда башталат. Арыздар Abiturient Online" системасы аркылуу кабыл алынат.