Автобуста аялга кол көтөрүп, чуу чыгарган киши кармалды
90
Бишкекте автобуста коляска менен бараткан аялга кол салган 34 жаштагы киши кармалды. Бул туурасында Бишкек ШИИББден кабарлашты.
Маалым болгондой, окуя 13-июлда болжол менен саат 18:30 чамасында Чүй проспектисинде болгон. Күбөлөрдүн айтымында, аял 34 жаштагы кишинин бутун капысынан тебелеп кеткен. Натыйжада чыр чыгып, киши аялга кол салып, аны уруп жиберген.
Сүрөт: Бишкек ШИИББдин маалымат кызматы.
Күбөлөр окуяга аралашып, милиция келгенге чейин аны кармап турушкан. Жерине келген милиция текшерүү жүргүзүп, 1992-жылы туулган А.О. аттуу жаранга 126-беренеге (майда бейбаштык) ылайык протокол түзүшкөн. Шектүү соттун чечими чыкканга чейин убактылуу кармоочу жайга киргизилди.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18250
