Ысык-Көлдө жоголгон казак кыздын сүрөтү жарыяланды
RU

Ысык-Көлдө жоголгон казак кыздын сүрөтү жарыяланды

Все самое интересное в Telegram

Жайлоодо жоголгон 29 жаштагы Казакстандын жараны Варвара Конопасевичтин сүрөтү жарыяланды. Эскерте кетсек, ал 15-июлда Ысык-Көл облусунун Ак-Суу районундагы жайлоодо жоголгон.

Баары кандайча башталды

15-июль күнү саат 20:30да Ак-Суу райондук ички иштер бөлүмүнүн нөөмөт бөлүмүнө Москва районунун аймагында жашаган Россия Федерациясынын жараны, 51 жаштагы К.А.нын билдирүүсү келип түшкөн.

Эркектин айтымында, анын кызы К.В., Ала-Көл жайлоосунда эс алып жүргөндө дайынсыз жоголгон. К.В. - 1992-жылы туулган, Казакстандын жараны болчу.

Окуя болгон жерге райондук милициянын тергөө-ыкчам тобу жөнөп кетишти. Окуя тууралуу маалымат Өзгөчө кырдаалдар министрлигинин аймактык кызматына өткөрүлүп берилди.

Эмне болду?

Окуя болгон жерге келген тергөө-ыкчам тобу күбөлөрдү сурамжылап, төмөнкүлөрдү аныктады.

14-июлда Ала-Көл жайлоосуна Россиянын жараны К.А., үй-бүлөсү - 1969-жылы туулган аялы К.Г., 1992-жылы туулган кыздары К.А., 1996-жылы туулган К.Л. жана 2016-жылы туулган уулу К.М. Ал жерге чатыр тигип, эс алышкан экен.

15-июлда саат 18:00 чамасында К.В атасынан сүрөткө түшүш үчүн уюлдук телефонун сураган. Андан кийин ата-эне отунга кетип, ал чоң тоо дарыясынын аркы өйүзүнө орнотулган жыгачтан жасалган солкулдаган көпүрөнүн жанында калган. Ата-энеси кайтып келгенде, кызы эч жерден табылган эмес.

Ата-энесинин айтымында, кыз сары күрмө, кара спорттук шым жана кара ботинка кийип жүргөн.

Издөө иштери башталды

Бул күнү, 15-июлда, ӨКМдин куткаруучуларынын келишин күтпөстөн, тергөө-ыкчам тобунун беш кызматкери ата-энелери менен биргеликте жоголгон кызды издей башташты. Аларга жардам берүү үчүн райондук милициянын он кызматкери жөнөтүлдү.

Бул факт Ак-Суу РИИБнин ERPP катталды, сотко чейинки өндүрүш башталды.

Эртеси, 16-июлда, тергөөчү жана жоголгон кыздын атасы облус борборуна келип, окуя тууралуу дагы бир жолу Өзгөчө кырдаалдар министрлигинин аймактык башкармалыгына билдиришти. Андан кийин гана саат 08:30 чамасында куткаруучулар окуя болгон жерге барышкан.

Ак-Суу районунун ИИМ кызматкерлери жана ӨКМдин куткаруучулары жоголгон кызды издөөнү улантышууда.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/2665