Өзбекстанда кумшекер үчүн массалык "салгылашуулар" болуп жатат

Өзбекстанда базарлар менен дүкөндөрдө кумшекерге байланыштуу болуп көрбөгөндөй ажиотаж болуп жатканын жергиликтүү маалымат каражаттары жазып чыгышты.

Жакында эле социалдык тармактарда Өзбекстандагы супермаркеттердин биринде кумшекер талашып жаткан сатып алуучуларды чагылдырган видео тарады. Мушташка эркектер да, аялдар да катышкан.

Колдонуучулар Ташкенттин базарларында кумшекер үчүн эбегейсиз кезектер пайда болгонун айтышууда. Тактап айтканда, "Күйлүк" базарында.

Жергиликтүү тургундардын айтымында, ушундай эле абал бир нече күндөн бери Юнусабад дыйкан базарында жана башка базарларда уланууда.

Өз кезегинде бийлик өлкөдө кумшекердин жетиштүү запасы түзүлгөнүн жана жетишсиздик күтүлбөй турганын ишендирүүдө.