"Төө-Ашуу" ашуусуна кар жаады, унаалар үчүн жол ачык. Видео

Аба-ырайынын кескин өзгөргөнүнө байланыштуу бүгүн, 20-сентябрда "Төө-Ашуу" ашуусунда кар жаап баштады. Чүй облустук жол кыймылынын коопсуздугун камсыздоо башкармалыгынан билдиришкендей, жаап жаткан жамгыр карга айланган.

Аталган башкармалыктан Бишкек-Ош жолуна сапарга чыккан айдоочуларга унаанын дөңгөлөктөрүн алмаштырууга, унаалар ортосундагы белгиленген аралыкты сактоого чакырат.

Транспорт жана коммуникациялар министрлигинен карды тазалоо иштери Суусамыр-Талас-Тараз унаа жолунун 0-26-чакырым аралыгында жүрүп жатканын маалымдашты.

Азыркы учурда унаа кыймылына чектөөлөр жок.

Белгилесек, ӨКМдан 20-22-сентябрь күндөрү Кыргызстандын аймагында аба-ырайы кескин өзгөрүп, тоолуу райондорго кар жаай турганын маалымдашкан.