Президенттин катышуусундагы футболдук беттештин жеңүүчүлөрү аныкталды
Бүгүн, 15-декабрда "Мурас" достук турниринин жеңүүчүлөрү аныкталды.
Плей-офф баскычында:
"Президенттин командасы" – "Элчилер";
"Спорт Жылдыздары" – "Спорттук федерациялар";
"Коопсуздук" – "Ден-Соолук";
"Ыйман" – "Достук" командалары беттешти.
Анда "Спорттук федерациялар" командасы жеңишке жетип, өтмө Кубок жана 400 миң сомдук сертификат тапшырылды.
"Президенттин командасы командасы 2-орунду ээлеп, байге катары 300 миң сомдук сертификатка ээ болду.
Ал эми 3-орунду алган "Коопсуздук" командасына 200 миң сомдук сертификат ыйгарылды. 4-орун үчүн "Достук" командасына 100 миң сом тапшырылды.
3 номинация боюнча мыкты оюнчулар аныкталды:
- "Спорт жылдыздары" командасынын оюнчусу Абдужалил Юнусов турнирдин мыкты дарбазачысы деп табылды;
- турнирде 7 гол киргизген "Спорттук федерациялар" командасынын оюнчусу Аскарбек уулу Эрали мыкты чабуулчу аталды;
- турнирдин мыкты оюнчусу деп "Достук" командасынын өкүлү Эмилбек Абсаматов таанылды.
Белгилей кетсек, 14-декабрда тайпалык баскычта чейрек финалга президенттин командасы, "Спорт федерациялары", "Коопсуздук" жана "Достук" командалары чыгышкан.
